2016-imi isertitat

Inuit najugaqarfii aamma inuttut qanoq inissisimanerat apeqqutaatillugit isertitat ineriartornerat kapitali 1-imi erseqqissarneqarput, kapitali 1-imi atuartussap inuiaqatigiit isertitaannut oqimaaqatigiissakkamik paasisaqarnissaa anguniarneqarpoq. Inoqutigiit isertitaannik naatsorsuutit kapitali 2-mi atuarneqarsinnaapput, kapitalimi 3-mi isertitanit akileraarutit ataatsimut katinnerannik kisitsisitigut paasissutissat atuarneqarsinnaallutik. Isertitat agguataarneranut qitiusumik anguniakkat – tassunga ilaanngullugu nunat assigiinngitsut akornanni sanilliussinerit aamma inoqutigiit meerartallit akornanni isertitat qanoq agguataanerisa ineriartornerat misissoqqissaaneqarnerat kapitali 4-mi takuneqarsinnaavoq. Kapitalimi 5-imi tabelerpassuit sukumiisunik imallit takuneqarsinnaapput, kapitalimilu 6-imi allaaserineqarluni kisitsisitigut paasissutissani najoqqutarineqartut naatsorsuinermilu periaatsit.